काठमाडौं। नेपाली तीज गीतसंगीतमा यस वर्ष अर्को आकर्षक प्रस्तुति थपिएको छ। गायक कृष छेत्री र चर्चित गायिका समीक्षा अधिकारीको सुमधुर स्वरमा सजिएको नयाँ तीज गीत ‘एकबारको जिन्दगानीमा’ सार्वजनिक भएसँगै दर्शक तथा श्रोतामाझ लोकप्रिय बन्दै गएको छ।
मञ्जु खत्री अफिसियल युट्युब च्यानलमार्फत सार्वजनिक गरिएको गीतले छोटो समयमै धेरै दर्शकहरूको साथ पाउँदै सकारात्मक प्रतिक्रिया बटुलिरहेको छ। आधुनिक शैली र मौलिक तीजको लयलाई सन्तुलित रूपमा प्रस्तुत गरिएको यस गीतले विशेषगरी युवा पुस्तादेखि सबै उमेर समूहका दर्शकलाई आकर्षित गरेको देखिन्छ।
गीतका शब्द तथा संगीत स्वयं कृष छेत्रीले तयार गरेका छन्। जीवन एकपटक मात्रै पाइने भएकाले मेहनत गरेर कमाउन, आफ्ना सपना पूरा गर्न, रमाइलो गर्न र आत्मविश्वासका साथ अघि बढ्नुपर्ने सकारात्मक सन्देश गीतमार्फत व्यक्त गरिएको छ। मनोरञ्जनसँगै जीवनप्रतिको आशावादी सोचलाई प्रस्तुत गरिएको उक्त गीतका शब्दहरू सहज, आकर्षक र सन्देशमूलक रहेका छन्।
गीतको भिडियोमा कृष छेत्री र मञ्जु खत्रीको जीवन्त अभिनयले थप आकर्षण थपेको छ। निर्देशक तथा कोरियोग्राफर तिलक ठाकुरी चिट्टीको निर्देशन, प्रकाश खड्काको छायांकन र राजकुमार मगरको सम्पादनले भिडियोलाई अझ उत्कृष्ट बनाएको छ। रंगीन दृश्य, आकर्षक नृत्य, उत्कृष्ट लोकेसन र मनमोहक प्रस्तुतीकरणले गीतलाई थप आकर्षक र हेर्नलायक बनाएको छ।
तीज पर्व नजिकिँदै गर्दा मनोरञ्जनसँगै सकारात्मक ऊर्जा दिने गीत खोज्नेहरूका लागि ‘एकबारको जिन्दगानीमा’ उत्कृष्ट रोजाइ बन्न सक्ने देखिएको छ। गीतको लय, शब्द, संगीत र भिडियोको समन्वयले यस वर्षको चर्चित तीज गीतमध्ये एक बन्ने संकेत गरेको छ।
तीजको उल्लासलाई अझ रंगीन बनाउन चाहने दर्शक तथा श्रोताका लागि ‘एकबारको जिन्दगानीमा’ एकपटक अवश्य हेर्न र सुन्नलायक प्रस्तुति बनेको छ।
पुरा भिडियाेः
