सरस्वती आधारभूत विद्यालय माडी गाउपालिक १ भिताबाङले शुक्रबार स्वागत तथा बिदाइ कार्यक्रम सम्पन्न गरेकाे छ ।
झण्डै एक दशक सम्म कार्यरत कुशल कार्यालय सहयाेगी राधा घर्ती मगरलाई बिदाइ गरेकाे हाे भने नयाँ नियुक्ति हुनुभएका कार्यालय सहयाेगी खुमा आचार्य र शिक्षक मनिशा थापालाई स्वागत गरेकाे हाे । विद्यालय व्यवस्थापन समितिका अध्यक्ष हस्तबीर घर्ती मगरकाे अध्यक्षता तथा शिक्षक कमान सिंह घर्तीमगरकाे स्वागत मन्तव्यबाट सुरू भएकाे कार्यक्रममा विद्यालयका प्रधानाध्यापक ताेप बहादुर घर्तीले नयाँ आउने कार्यालय सहयाेगी र शिक्षकलाई स्वागत गर्नुभएकाे थियाे।
विदाइ भएर जाने कार्यालय सहगाेगीलाई विदाइ गर्दै जिम्मेवारी प्रति बफादार भएर कुशलता पूर्वक विद्यालयलाई सहयाेग गरेकाे बताउनुभयाे । उहाँकाे सहयाेग अतुलनीय रहेकाे बताउँदै प्रधानाध्यापक घर्तीले जहाँ रहेपनि,जता पुगेपनि भाैतिक रूपमा टाढा भएपनि भावनात्मक रूपमा विद्यालय परिवार सँगसँगै रहेकाेकाे बताउनु भयाे । कार्यक्रममा विव्यस अध्यक्ष हस्तबीर घर्तीले नयाँ विद्यालय कर्मचारीलाई स्वागत गर्दै विद्यालयकाे जिम्मेवारी प्रति बफादार भएर कार्यकाैशलता प्रदर्शन गर्न अनुराेध गर्नुभएकाे थियाे भने बिदाइ हुने कर्मचारीलाई विद्यालयकाे तर्फबाट धन्यवाद सहित विदाइ तथा उज्ज्वल भविष्यकाे कामना गर्नुभएकाे थियाे । कार्यक्रममा आफ्ना अनुभूति राख्दै राधा घर्तीमगरले विद्यालयकाे जिम्मेवारी छाेडेर बाहिर जानुपर्ने बाध्यता भएकाेले राजीखुशी जानलागेकाे बताउनुभयाे । उहाँले भावुकहुँदै घरव्यवहार चलाउनुपर्ने जिम्मेवारीकाे भारीले विद्यालयकाे काम छाड्नु परेकाे बताउनुभयाे । विद्यालयमा भाैतिकरूपमा उपस्थित हुन नसके पनि बाहिरबाट आफूले सक्ने सहयाेग सदैब गरिरहने बताउनुभएकाे थियाे ।
विद्यालय व्यवस्थापन समितिका पदाधिकारी,शिक्षक तथा विद्यार्थीहरूकाे उपस्थितिमा सम्पन्न स्वागत तथा बिदाइ कार्यक्रमकाे सञ्चालन शिक्षक कमान सहयात्री पिएमले गर्नुभएकाे थियाे ।
