रोल्पाको लुङग्रीमा आगलागी हँदा १३ घरगोठ जले, १ जना घाइते

आगो बस्तीमा फैलन सक्ने भएकाले त्यस आसपासका स्थानीयहरुले विशेष ध्यान दिन अध्यक्ष थापाले आग्रह गर्नुभएको छ । बस्तीमा आगो फैलन नदिनको लागि प्रहरी चौकी सिर्प प्रहरी बल, इलाका प्रहरी कार्यालय सुलिचौर, जिल्ला प्रहरी कार्यालय रोल्पा , सहायक प्रहरी बल, नेपालका सशस्त्र प्रहरी, बटुक दल गण रोल्पाकोे टोली त्यस क्षेत्रमा खटिएको बताईएको छ ।

लागलागिबाट लुङग्री गाउँपालिका वडा नं. १ रिरिप बस्ने निसे घर्तीको २ तले घर, १ तले गोठ सोही ठाउँ निवासी अमृत घर्तीको २ तले घर जलेको प्रहरीको भनाई छ । यस्तै लुङग्री गाउँपालिका रिरिपकै सन्तु घर्तीको २ तले जलेको छ भने, प्यारालाईसिसको बिरामी भई घरमा बसेको अवस्थामा सन्तु घर्तीको दाँया हातको कुहिना, दाहिने खुट्टा जलेको जिल्ला प्रहरी कार्यालय रोल्पाले बताएको छ । घाइते सामान्य भएकाले उपचार भईरहेको पनि बताई

लुङग्री गाउँपालिका कै टेके घर्तीको २ तले घर, भुवन घतीको १ तले गोठ १ गोरुको जलिको मृत्यु भएको छ भने जर्सिगाई समेत जलेर घाइते भएको बताईएको छ । त्यस्तै सोहि ठाउँ निवासी प्रकाश सिंह घर्तीको २ तले घर, तुलबहादुर घर्तीको २ तले घर, १ गोठ, नरबहादुर घर्तीमगरको १ घर, जितबहादुर घर्तीमगरको १ घर, र हिरालाल घर्तीको २ तले घर, १ तले गोठ पूर्णरुपमा जलेका छन् भने यी सबै घरमा भएको अन्नपात, लत्ताकपडा, भाडा बर्तन जलेको जिल्ला प्रहरी कार्यालय रोल्पाका प्रबक्ता रामनारायण गुप्ताले जानकारी दिनुभयो ।

आगो कस्ले लगाएको भन्ने अझंै पत्ता लागि नसकेको लुङग्री गाउँपालिका अध्यक्ष भरतकुमार थापाले बताउनुभयो ।