राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय समिती, काठमाडौंको आयोजनामा हुन गईरहेको सातौं राष्ट्रिय लोक दोहोरी अवार्डको नोमिनेशन [Top 5] घोषणा तथा प्रमाण पत्र बितरण कार्यक्रम यहि माघ ४ गते राष्ट्रिय नाच घर जमलको हलमा सम्पन्न हुने भएको छ ।
सो कार्यक्रम माघ ४ गते राष्ट्रिय नाच घर जमलको हलमा दिउँसो १ बजे देखि सुरु हुने कुरा आयोजक पक्षले जानकारी गराएको छ । अवार्ड कार्यक्रमलाई निरन्तरता दिन लागेको बताउदै बिगतको बर्षहरुमा झै यस अवार्ड कार्यक्रमलाई सभ्य र भब्य रुपमा सफल बनाउन सहयोग गरिदिनका लागि सोही समितीका अध्यक्ष सुजन लम्सालले अनुरोध गरेका छन् ।
यस अवार्डमा लाईफटाईम अचिप्मेन्ट अवार्ड र अन्य सम्मानबाट सम्मानित हुने ब्यक्तिहरुको नाम पनि सोही दिन घोषणा हुने कुरा आयोजक पक्षले बताएको छ । यस अवार्ड कार्यक्रमको पुर्ण सफलताको लागि हाम्रो तर्फबाट शुभकामना ब्यक्त गर्दछौं ।
