सल्यानमा एक महिला मृत फेला परेकी छन् । जिल्लाको बागचौर नगरपालिका –२ गैरी निवासी अन्दाजी ५४ वर्षीया रामकली खत्री शनिबार साँझ मृत फेला परेको जिल्ला प्रहरी कार्यालय सल्यानले जनाएको छ ।
शनिवार करिब साढे ४ बजेतिर माइत जान्छु भनेर घरबाट निस्किएको र घरदेखि करिब एक किलोमिटरको दुरीमा रहेको ठाटीचौरको कच्चीबाटोमा मृत फेला परेको जिल्ला प्रहरी कार्यालय सल्यानका प्रहरी प्रमुख गोविन्द थापाले जानकारी दिए ।
घटना शंकास्पद हुन सक्ने भन्दै अनुसन्धानका लागि कोहलपुरबाट तालिमप्राप्त कुकुर ल्याउन थालिएको उनको भनाई छ । घटनाको अनुसन्धान भइरहेको प्रहरीले जनाएको छ ।
प्रकाशित मिति : २०७८ असोज १७ गते आइतवार
