नेपाल-भारतको सीमा क्षेत्रमा अज्ञात समूहको गोली प्रहारबाट एक नेपाली घाइते भएका छन । विराटनगर महानगरपालिका- ८ का निर्दोष संग्रौलामाथि सोमबार बिहान भारतको जोगमुनी रेल्वे छेउस्थित गोली प्रहार भएको जिल्ला प्रहरी कार्यालय मोरङका मोरङ प्रहरीले जनाएको छ ।
मोरङ प्रहरीका अनुसार निर्दोष आइतबार अपराह्नमा भारत गएका थिए। भारतको जोगमुनी रेल्वेस्टेशनबाट करिब १०० मिटर टाढा गोली प्रहार भएको हो । गोली लागेका संग्रौलाको कोशी अस्पतालमा उपचार भइरहेको प्रहरीले जानकारी दिएको छ ।
उनको दाहिने खुट्टा र तिघ्रामा चोट लागेको छ। घाइते रहेका संग्रौला खतरामुक्त छन्। गोली प्रहार गर्ने व्यक्तिको पहिचान अझै पनि खुलेको छैन। घटनाबारे अनुसन्धान भइरहेको प्रहरीले जानकारी दिएको छ।
प्रकाशित मिति : २०८० मङ्सिर २५ गते सोमवार
