विजय लघुवित्तद्वारा पश्चिम रोल्पाको परिवर्तन गाउँपालिका-०३,बागमारामा वित्तीय साक्षरता कार्यक्रम सम्पन्न
। विजय लघुवित्त वित्तीय संस्था लिमिटेडले पश्चिम् रोल्पाको परिवर्तन गाउँपालिका,बागमारामा बैशाख ६ गते “वित्तीय साक्षरता कार्यक्रम”सम्पन्न गरेको छ। ग्रामीण भेग र समुदायमा वित्तीय साक्षरता सम्बन्धि कार्यक्रमहरु कमै हुने हुँदा समुदायमा वित्तीय सचेतना फैलाउन ,वित्तीय प्रणालीप्रति जन विश्वास कायम राख्न, आर्थिक गतिविधिहरुलाई वित्तीय प्रणालीमा समाबेश गर्ने उदेश्य राखी उक्त कार्यक्रम आयोजना गरिएको हो ।
कार्यक्रमको प्रशिक्षण अनुगमन अधिकृत तथा कलस्टर न. १५ का प्रमुख श्री कुम बहादुर थापाले गर्नु भएको थियो। उहाँले बैंक तथा वित्तीय संस्थाले प्रदान गर्ने सेवा ,सुविधा लगायत बचत, कर्जा ,बिमा ,विप्रेषण ,वित्तीय अनुशासन, डिजिटल/विद्युतिय वित्तीय सेवाहरु लगायत अन्य महत्त्वपूर्ण पक्षहरू बारे सहभागीहरु लाई जानकारी दिनु भएको थियो। कतिपय ठाउँहरुमा कर्जाको कारोबार गरि नियमित रूपमा कर्जा रकम नतिर्दा वित्तीय क्षेत्रमा केहि समस्याहरु उत्पन्न भएको हुँदा कर्जाको कारोबार गर्नु पुर्व ब्यवसायिक योजना बनाएर मात्र कारोबार गर्न र त्यसको सदुपयोग गर्नमा जोड दिनु हुदै आफ्नो इमान्दारिता पनि कायम राख्नुपर्ने भन्दै लामो समय सम्म पनि बैंक तथा वित्तीय संस्थाहरुमा कर्जाको किस्ता नतिरेमा कालो सुचीमा परिने हुँदा,त्यसबाट पर्न जाने असरहरु बारे पनि स्पष्ट पार्नु भएको थियो । कार्यक्रमको प्रमुख अतिथिको रूपमा परिवर्तन गाउँपालिका अध्यक्ष श्री सुक बहादुर बुढा मगर रहनु भएको थियो। त्यसै गरि अतिथिको रूपमा रोल्पा उद्योग बाणिज्य महासंघका कार्य समिति सदस्य तथा परिवर्तन गाउँपालिका सयोजक प्रेम कुमार बुढामगर , वडा न.३ का का. बा अध्यक्ष अमित बुढा र प्रहरी चौकी बागमाराका प्रहरी हवल्दार श्याम बहादुर थारूको रहनु भएको थियो
। कार्यक्रममा बोल्दै गाउँपालिका अध्यक्षले तपाईं हाम्रो जीवनमा यस् प्रकारको वित्तीय साक्षरता सम्बन्धि कार्यक्रमले वित्तीय कारोबारहरू गर्नको लागी सचेत गराउनमा महत्त्वपूर्ण भुमिका खेल्ने बताउनु हुँदै हामीलाई आवश्यकता पर्दा बैंक तथा वित्तीय संस्थाबाट कर्जाको कारोबार पनि गर्ने हुँदा जुन प्रयोजनको लागी हामीले ऋण लिन्छौं त्यसैमा प्रयोग गर्नुपर्ने र हाम्रा अनावश्यक खालका फजुल खर्चहरु पनि रोक्नुपर्ने बताउनु भएको थियोे
। त्यसै गरि उ.वा.स रोल्पाका कार्य समिति सदस्य तथा परिवर्तन गाउँपालिकाका सयोजक प्रेम कुमार बुढा मगरले कर्जा लिनुको उदेश्य मुताबिक काम गरिएन भने वित्तीय संस्थाबाट १५% ब्याजको सट्टामा ५% मै कर्जा लिए पनि तपाइँ हाम्रो जिवनमा त्यसले परिवर्तन नल्याउने र ब्याज रकम समेत तिर्न नसक्ने अवस्था आउने भन्दै कर्जा लिनुको उदेश्य अनुरुप काम पनि गर्नुपर्ने भन्दै एक सफल ब्यवसायिको रूपमा आफ्नै उदाहरण समेत दिनु भएको थियो ।
७५ जना बढी सहभागिता रहेको कार्यक्रममा स्वागत मन्तव्य तथा कार्यक्रमको बारेमा जानकारी शाखाका शाखा प्रमुख धन बिक्रम गोसाइँले गर्नु भएको थियो भने कार्यक्रमको सहजीकरण कर्मचारी ओपेन्द्र बहादुर डागिले गर्नु भएको थियो ।
प्रकाशित मिति : २०८२ बैशाख ७ गते आइतवार
