काठमान्डौं,रोल्पाको परिवर्तन गाउँपालिकामा आगामी वर्ष २०७९र८० मा ठूला दुई खानेपानी तथा सरसफाई आयोजना निर्माण हुने भएको छ । २०७९र८० को बजेट वक्तव्यमा समावेश भएअनुसार सो आयोजना अगाडि बढ्ने गाउँपालिकाले जनाइएको छ ।
साथै परिवर्तन गाउँपालिकामा दुई ठूला खानेपानी आयोजना घमेरी खानेपानी तथा सरसफाई आयोजना र दोदेरा रुपाडाँडा सोलार पम्पीङ खानेपानी तथा सरसफाई आयोजना निर्माण हुने परिवर्तन गाउँपालिका २ का वडा अध्यक्ष तथा परिवर्तन गाउँपालिकाका प्रवक्ता हरिप्रसाद बुढा मगरले बताए ।
संघबाट विशेष अनुदानका रूपमा प्राप्त रकम संघीय सरकारबाट तोकिए बमोजिमका योजनाहरु परिवर्तन गाउँपालिका १ कुरेलीको ‘घमेरी खानेपानी तथा सरसफाई आयोजना’निर्माणको लागि ७० लाख रुपैयाँ विनियोजन गरिएको छ भने अर्को परिवर्तन गाउँपालिका ३ थुनिकोटको ‘दोदेरा रुपाडाँडा सोलार पम्पीङ खानेपानी तथा सरसफाई आयोजना’ निर्माणको लागि १ करोड ४२ लाख रुपैया विनियोजन गरिएको परिवर्तन गाउँपालिकाले जानकारी दिएको छ ।
