काठमाडौं । नयाँ बानेश्वरमा एमसीसी बिरुद्ध भएको प्रदर्शनमा दोहोरो झडप भएको छ । एमसीसी बिरुद्ध नारा जुलुस गर्दै नयाँ बानेश्वर पुगेको प्रदर्शनकारी र प्रहरी बिच दोहोरो झडप भएको हो । प्रदर्शनकारीले सुरक्षा घेरा तोड्न खोजेपछि बल प्रयोग गर्नु परेको प्रहरीले जनाएको छ ।
प्रदर्शनको नेतृत्व विभिन्न राजनीतिक दलको मोर्चाका तर्फबाट नेकपा विप्लवका केन्द्रीय सदस्य माइला लामा, नेकपा मालेका महासचिव सिपी मैनाली लगायतका नेताहरुले गरेका थिए ।
केही प्रदर्शनकारीलाई प्रहरीले गिरफ्तार गरेको छ भने नेकपा विप्लव समुहका प्रबक्ता प्रकाण्ड लगायत डेढ दर्जन प्रदर्शनकारी घाइते भएका छन् । दोहोरो झडपमा केही प्रहरी पनि घाइते भएका छन् ।
प्रकाशित मिति : २०७८ मङ्सिर २८ गते मङ्गलवार
