नेपाल पत्रकार महासंघका पूर्वउपाध्यक्ष खिलबहादुर भण्डारीलाई उनको निवासमा एक्कासी प्रवेश गरेका सादा पोसाकका प्रहरीले दुव्र्यवहार गरेको घटनाप्रति नेपाल पत्रकार महासंघले गम्भीर ध्यानाकर्षण भएको जनाएको छ ।
बुढानिलकण्ठ नगरपालिका–११ कपनस्थित आज दिउँसो पूर्वउपाध्यक्ष भण्डारीको घरमा केही महिना अगाडि डेरा बसी छाडिसेकेका व्यक्तिको बारेमा सोधखोज गर्न एक्कासी पुगेका ५ जना सादा पोसाकका प्रहरीलाई के कसो भनी जानकारी लिन खोज्दा प्रहरीले उल्टै उनलाई दुव्र्यवहार गरेको पूर्वउपाध्यक्ष भण्डारीले महासंघलाई जानकारी गराएका थिए ।
कुनै पनि व्यक्तिको घरमा पुगेर सोधखोज गर्दा प्रहरीबाट पदीय जिम्मेवारी वहन गर्दा मर्यादित भई प्रस्तुत हुनुपर्नेमा त्यस किसिमले दुव्र्यवहार गरिनु निन्दनीय र दुःखद् कार्य भएको महासंघका महासचिव रोसन पुरीद्वारा जारी विज्ञप्तिमा उल्लेख गरिएको छ ।
साथै, महासंघले घटनाको छानबिन गरी दोषी प्रहरीमाथि विभागीय कारबाही गर्न र यस्ता कार्य नदोहोर्याउन सम्बन्धित पक्षको ध्यानाकर्षण गराएको छ ।
