नवलपरासीको बर्दघाटबाट बुटवल जाँदै गरेको माइक्रो बस शुक्रबार राती नवलपरासीको सुनवलमा दुर्घटना हुँदा २२ जना घाइते भएका छन्। घाईते मध्ये ६ जनाको अवस्था गम्भिर छ।
जिल्ला प्रहरी कार्यालयका इन्स्पेक्टर सन्तोष पौडेलका अनुसार सुनवल नगरपालिका–७ अलकत्रे डाँडामा लु १ ख ९४६७ नम्बरको माइक्रोबस दुर्घटनामा परेको हो। साइकल यात्रीलाई ठक्कर दिएपछि अनियन्त्रित भएको माइक्रोबस सुदूरपश्चिम प्रदेश ०१–००१ ख २४४२ नम्बरको ट्रकसँग ठोक्किएर दुर्घटना भएको थियो।दुर्घटनाका घाईते २२ मध्ये ६ जनाको अवस्था गम्भीर छ। उनीहरूको रुपन्देहीको भलुही मेडिकल कलेजमा उपचार भईरहेको छ।
प्रहरीका अनुसार दुर्घटनामा परेको माईक्रो बस पश्चिम नवलपरासीको बर्दघाटबाट बुटवल जाँदै थियो।
प्रकाशित मिति : २०८१ पुष ६ गते शनिवार
