रोल्पामा मिनि ट्रक दुर्घटना हुदा चालकको मृत्यु भएको छ ।
रोल्पा रुन्टिगढी गाउँपालिका ६ मा सावडाँडाबाट दुव्रिङ हुदै होलेरी जोड्ने भित्री सडक खण्डको स्याला भन्ने स्थानमा मंगलबार मिनि ट्रक दुर्घटना हुदा चालकको मृत्यु भएको छ । एकजना बालक घाइते भएका छन् ।
रा.१ ख.२१३१ नं.को ट्रक उकालो बाटोमा फर्काउने क्रममा अचानक ब्याक हुन गई बाटो भन्दा ६५ मिटर तल खस्दा रोल्पा रुन्टिगढी गाउपालिका–६ निगालपानीका ३२ वर्षिय महेश थापाको घटनास्थल मै मृत्यु भएको प्रहरी निरिक्षक देवी प्रसाद गैरेले जानकारी दिनुभएको छ।
उक्त ट्रकमा सवार रुन्टिगढी ग.पा.–६ स्यालाका गणेश रावतको ८ वर्षका छोरा सुजन रावत घाइते भएको र उनको उपचार प्राथमिक स्वास्थ्य केन्द्र होलेरीमा भइरहेको जिल्ला प्रहरी कार्यालय रोल्पाले जानकारी दिएको छ
प्रकाशित मिति : २०८१ असार २७ गते बुधवार
