रोल्पामा जिप दुर्घटना हुदा दुईजना घाइते भएका छन् ।
हिजो शुक्रबार रोल्पाको गंगादेव गाउँपालिका वडा न ३ चामी भन्ने स्थानमा पाथिहाल्न बाट घोप्टेओडार तर्फ जादै गरेको जिप दुर्घटना भएको हो ।
दुर्घटना हुदा जिपमा सवार ५ जना मध्य घाइते हुनेमा गंगादेव गा.पा.–६ बस्ने बर्ष १६ कि पुष्पा के.सी. र सोह ठाउ निवासी बर्ष १५ कि निर्मला वलि रहेका छन् । घाइते दुबै जनाको अवस्था सामान्य रहेको छ ।
दाङ तुलसिपुर उपमहानगरपालिका ८ का २५ बर्षका भिमबहादुर रावलले चलाएको ४७४६ न. डबल क्याप बोलेरो जिपको स्ट्रिङ नकाटि बाटोबाट ३ सय मिटर तल खसेको जिल्ला प्रहरी कार्यालय रोल्पका प्रहरी निरीक्षक एवं सूचना अधिकारी राम नारायण गुप्ताले जानकारी दिनु भएको छ ।
चालक प्रहरीको नियन्त्रणमा रहेका छन् ।
प्रकाशित मिति : २०८० पुष १४ गते शनिवार
