बजार क्षेत्रमा अस्तव्यस्त रुपमा रहेका ड्रमहरु हटाइएको छ । सुनिलस्मृति गाउँपालिकाको सुलिचौर बजार क्षेत्रमा रहेका त्यस्ता ड्रमहरु नगरप्रहरीको टोलीले हटाएका हुन् । सुनिलस्मृति गाउँपालिकाका अध्यक्ष मणिराम बुढाथोकीको निर्देशनमा शुक्रबार (आज) ति ड्रमहरु हटाईएका हुन् ।
बजारको सौन्दर्यतालाई असर पार्ने, अस्वभाविक र सडकलाई साँघुरो पार्ने गरी राखिएको ड्रमहरु हटाइएको अध्यक्ष बुढाथोकीले बताउनु भयो । बजार क्षेत्रमा हरियाली र सौन्दर्यता बढाउनको लागि सुनिलस्मृति गाउँपालिका वडा नम्बर ४ का वडा अध्यक्ष गञ्ज क्षेत्रीको कार्यकालमा ड्रमहरुमा विभिन्न विरुवाहरु रोपिएको थियो ।
अहिले ति ड्रमहरुमा विरुवा नभएको र केहीमा विरुवा भएतापनि जथाभावी फोहोर फाल्ने कार्य भएको हुनाले त्यसलाई हटाइएको अध्यक्ष बुढाथोकीले बताउनु भयो ।
प्रकाशित मिति : २०८० भाद्र ९ गते शनिवार
