रोल्पा नगरपालिकाले कार्यालय परिसरमा सेवाग्राहीहरुको लागि निःशुल्क वाईफाई जडान गरेको छ । नगरपालिकाले सेवाग्राहिहरुको मागलाई मध्यनजर गर्दै निःशुल्क वाईफाईको जडान गरेको बताएको छ ।
अधिकांश सरकारी कामहरु अनलाइन प्रक्रियाबाट गरिने भएकाले सेवाग्राहीहरुको सहजताको लागि भनेर जडान गरिएको रोल्पा नगरपालिका नगर प्रमुख सुरेन्द्र थापा घर्ति मगरले जानकारी दिनुभएको छ । नगरपालिकाको कार्यालयमा आफ्नो कामले आउनु भएका सेवाग्राहीहरुलाई कार्यालयमा आफ्नो काम नहुँदाको समयमा वाईफाई चलाएर बस्न सकिने उहाँको भनाई रहेको छ ।
अधिकांश कामहरु अनलाइनबाट नै हुने भएकोले पनि सेवा ग्राहीहरुले आफै नेट इन्टरनेटको प्रयोग गरि सहजै रुपमा हेर्न सकिने अवस्थाको सिर्जना गरिएको नगर प्रमुुखको भनाई रहेको छ । यस्तो गर्दा सेवाग्राहीलाई सहयोग पुग्ने उहाँले बताउनुभयो ।
प्रकाशित मिति : २०८० साउन २९ गते सोमवार
