काठमाडौं । म्याग्दीमा गएको पहिरोमा परी मृत्यु हुनेको संख्या पाँच पुगेको छ ।
मालिका गाउँपालिका-२ रुमको तामेङमा पहिरोले दुई घर पुर्दा मृत्यु भएका थप तीन जनाको शव भेटिएसँगै मृत्यु हुनेको संख्या पाँच पुगेको हो ।
मंगलबार विहान करिब ३ बजे बस्तीमाथिबाट खसेको पहिरोले दुई घर पुर्दा उनीहरुको मृत्यु भएको हो । मृतक पाँचैजना एकै परिवारका हुन् ।
पहिरोमा पुरिएको अवस्थामा विहान नविन र रुजन विकको शव फेला परेको थियो भने अहिले थप घामबहादुर, राजु र रोजीको शव पनि फेला परेको हो ।
घाइते दुई जनालाई उद्वार गरी उपचारका लागि अस्पताल पठाइएको छ ।
प्रकाशित मिति : २०७९ साउन १७ गते मङ्गलवार
