श्री सरस्वती आधारभूत विद्यालय माडी १ भिताबाङले आज सहयोगी दाताहरूलाई सम्मान कार्यक्रम सम्पन्न गरेको छ ।
शुभ तिहार २०८१ को अवसरमा विद्यालयलाई आर्थिक,भौतिक र नैतिक रूपमा सहयोग गर्ने सम्पूर्ण सहयोगी दाताहरूलाई सम्मान गरेको हो । विद्यालय व्यवस्थापन समितिका अध्यक्ष हस्तबीर घर्तीमगरको अध्यक्षतामा सम्पन्न कार्यक्रममा विद्यालय व्यवस्थापन समितिका भूतपूर्व अध्यक्ष तथा स्थानिय अग्रज बुद्धिजीवी हरिप्रसाद घर्तीमगरको प्रमुख अतिथ्यता रहेको थियो ।
विद्यालयका प्रधानाध्यापक टोप बहादुर घर्तीमगरको स्वागत मन्तव्यबाट सुरूभएको कार्यक्रममा उपस्थित अतिथिहरूले विद्यालयको शैक्षिक गुणस्तर सुधारको लागि सबै लाग्नुपर्नेमा जोड दिएका थिए ।
कार्यक्रममा बोल्ने वक्ताहरूले विद्यालयलाई आर्थिक, भौतिक र शैक्षिक रूपमा मजबुत बनाए मात्र बालमैत्री गुणस्तरिय शिक्षा प्रदान गर्नसकिने बताएका छन् । कार्यक्रममा विद्यालयको शैक्षिक गुणस्तर सुधारका लागि विद्यालय व्यवस्थापन समिति,स्थानिय सामाजिक सँघसँस्था,स्थानिय अग्रज, बुद्धिजीवी, शिक्षक, अभिभावक र सहयोगी दाताहरूको महत्वपूर्ण भुमिका रहेको बताइएको थियो ।
विद्यालय सेवाक्षेत्रका अग्रज बुद्धिजीवी ,अभिभावकहरूको उपस्थिती रहेको उक्त कार्यक्रमको सञ्चालन विद्यालयका शिक्षक कमान सिहं घर्तीमगरले गर्नुभएको थियो ।
