अन्तरजातीय प्रेम कथामा आधारित गीत “मुटुको घाउ” सार्वजनिक

काठमाडौं,

नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। सोही क्रममा यथार्थपरक एबं पृथक गीत “मुटुको घाँउ” सार्वजनिक भएको छ।

यस गीतमा जातिय बिभेद तथा अन्तरजातिय प्रेम कथालाई आधारित बनाईएको छ। गैरदलितकी छोरी र दलितको छोरा बिच घनिष्ट प्रेम सम्बन्धलाई असफल बनाउन अन्यको प्रयास जारी रहेको कुरालाई समेटिएको छ।

२१ औं शताब्दीमा छुवाछुत तथा जातिय बिभेद गर्नु मानविय अपराध हो। यदी कसैले त्यस्तो गर्छ भने “जातिय बिभेद तथा छुवाछुत कसुर ऐन – २०६८” बमोजिम कडा भन्दा कडा कारबाही हुने छ भन्ने जानकारी  पनि दिन खोजिएको छ । साथै मायामा धनी गरीब, जातभात केही हुँदैन भन्ने पनि सन्देश दिन खोजिएको छ।

“मुटुको घाउ” नामक गीतमा वरिष्ठ लोक गायिका लक्ष्मी न्यौपाने र चर्चित गायक राजन भुजेल बिश्वकर्माको स्वर रहेको छ भने प्रकाश बराईली “अभिब्यक्ति” को शब्द, कृष्ण रेउलेको संगीत रहेको छ । यस गीतलाई रमेश सेञ्चुरीले संगीत संयोजन गरेका हुन् ।

यस गीतको भिडियोमा प्रकाश बराईली “अभिब्यक्ति”को निर्देशन, मरुभुमी नारायणको छायांकन, बिरेन्द्र भाट “बिपिन” को सम्पादन, लोकेश भाटको सह-सम्पादन रहेको छ ।

उक्त गीतको भिडियोमा कृष्ण रसाल, उषा सुबेदी, कृष्ण महर्जन, मदन न्यौपानेको अभिनय रहेको छ । “मुटुको घाउ” नामक गीतलाई Prakash Baraili Avibekti युटब च्यानल मार्फत सार्वजनिक गरिएको हो ।

हेर्नुहोस् भिडियो ।

प्रकाशित मिति : २०८१ जेष्ठ २१ गते सोमवार
प्रतिक्रिया दिनुहोस