काठमाडौं । “अग्रज कलाकारलाई सम्मान, नव प्रतिभालाई प्रोत्साहन” भन्ने् मुल नारा सहित राष्ट्रिय लोक तथा दोहोरी गीत प्रतिष्ठान नेपाल उपत्यका समन्वय नयाँ बसपार्क समितीको आयोजनामा “छैठौं बृहत मौलिक तीज गीत प्रतियोगिता – २०८०” भब्य रुपमा सम्पन्न भएको छ । यस प्रतियोगितामा सोही समितीका अध्यक्ष सुवास अश्लामी थापा मगरको अध्यक्षता रहेको थियो भने केन्द्रिय अध्यक्ष रिता थापा मगरको प्रमुख आतिथ्यता रहेको थियो ।
कार्यक्रममा केन्द्रिय कायावाहक महासचिव शिरिष देबकोटा, उपत्यका समन्वय समितीका अध्यक्ष अर्जुन थापा मगर, उपत्यका समन्वय समितीका सचिव रमेश बाबु थापा मगर लगायत धेरै कलाकारहरुको उपस्थिती रहेको थियो । साँस्कृतिक संस्थान, राष्ट्रिय नाच घर, जमल, काठमाडौंमा सम्पन्न हुने भएको सो प्रतियोगितामा राष्ट्रिय स्तरका ख्याती प्राप्त कलाकारहरुको बिशेष प्रस्तुती रहनुका साथै दर खुवाउने कार्यक्रम पनि रहेको थियो । “छैठौं बृहत मौलिक तीज गीत प्रतियोगिता – २०८०” मा प्रथम पुरस्कार रु.३५ १५१/-, द्धितिय पुरस्कार रु.२४,१५१/-, तृतिय पुरस्कार १३,१५१/- तोकिएको थियो ।
“छैठौं बृहत मौलिक तीज गीत प्रतियोगिता – २०८०” मा अनामनगर समिती प्रथम, नयाँ बसपार्क समिती द्धितिय, लाजिम्पाट समिती तृतिय, ठमेल समिती सान्त्वना हुन सफल भएका थिए । प्रतियोगितामा बिभिन्न ९ वटा समितीले सहभागिता जनाएका थिए । सो प्रतियोगितामा राधिका हमाल, जुना श्रीस मगर, स्मृती तिमल्सिना (गुरुआमा) निर्णायकको रुपमा रहेका थिए ।
