अन्तर्राष्ट्रिय सम्बन्धमा विद्यावारिधीको शोध अनुसन्धान गरिरहेका हरि प्रकाश चन्द “अग्निपुञ्ज” को देशभक्तिपुर्ण गीत “हामी लड्छौं देशकै लागि” सार्बजनिक भएको छ ।
गत शुक्रबार सार्बजनिक भएको गीतको शब्द रचना अग्निपुञ्जले गरेका हुन् भने स्वर र संगीत गायक भरत परियारको रहेको छ ।
बिग परिवेश रेकर्डिङ्ग स्टुडियोमा रेकर्ड गरिएको उक्त गितको एरेञ्जर लक्षु प्रकाश मल्ल, मिक्सिङ्ग मनोज डंगोलले गरेका हुन् । उक्त गीतको भिडियोमा कलाकारहरु बिजय केसी र गीता केसीको अभिनय रहेको छ । नरेन्द्र धामीको निर्देशन रहेको गीतमा छायांकन तथा सम्पादन सरोज शाही ठकुरीको रहेको छ भने उक्त गीतको भिडियो कृष्ण भट्टराई र राज कुमार लामाले निर्माण गरेका हुन् ।
देश अत्यन्तै कठिन मोडमा रहेको, राजनीतिक दल र नेताहरुले देशलाई सहि दिशा दिन नसकेको, देशमा अन्याय, अत्याचार र बेथितीले सिमा नाघेकोले गीत संगीतको माध्यमबाट जनतालाई जागरुक बनाउने उद्देश्यले यस गीत लेखिएको कुरा रचनाकार अग्नि पुञ्जले बताए ।
गीतले छिमेकी देशहरुको नेपाल प्रतिको ब्यबहारलाई पनि झल्काएको छ । दशकौं देखि भारतिय सेनाहरु नेपालको कालापानी छेत्रमा बसिरहेको नेपालको भुगोल माथि अतिक्रमण गरेकोले उक्त भुभाग नेपाललाई व्यबहारिक रुपमै नेपाललाई फिर्ता गर्न अपील गरिएको छ ।
गीतले नेपालीहरुको गुटबादी, फुटबादी र खुट्टा तान्ने प्रवृतीको समेत खरो बिरोध गरेको छ । समग्रमा देशप्रति भक्तिभाव देखाइएको उक्त गीत Kripa TV ले प्रस्तुत गरेको हो भने सो गीत आम नेपालीको गीत हुन सकोस् भन्ने आफ्नो चाँहना रहेको रचनाकार अग्निपुञ्जले बताए ।
सोही गीतको भिडियो हेर्नका तलको लिन्क क्लिक गर्नु होला ।
